Jora Ripeng Part 2
"Aro Jihova Isol inaha, ua mandeni saksan dongara namja; anga una dakchakgipako, chongmotan uni jaroko dakgen" A.bachenga 2:18.
An.ching jora ripengni gimin raengon skanggipa part1 dake poraimanaha. Daode part2 dake hai an.ching ni.angna.
Jora-ripengko nangani gimin ningtue sandie nina skang, Isolan mandeko jora-ripeng nangani gnang ong.ataha ine ui.chengna. Rongtalgipa Sastroo janapa, Isol mandeko dakon uamangko me.asa aro me.chik dakaha. A.bachengaoni ong.bagiminrangko sandie nigenchimode, skanggipa mande 'Adam'ni saksan donganiko Isol nangnikjaha. Dakchakgipako, duk suk chakrimna' Janggini ripeng,ko nanga ine Isol nikaha. Unon Isol mandena jora-ripengko on.na miksongaha.
Mandena Mandeskakosa Jora On.aha.
Adam saksan ong.engon Isol bang.a matburingrangko ong.ate uona rimbaha. Adam uarang pilakkon biming donaha: indiba matburingrangni, giseponiko an.tangna jorako man.jaha. Matburingrang jora-jora bima-bipa roengon, uarangko biming mingengon, Adamde saksansachim! Sastroni gimin am.rikite chanchibewale nigipa mitam skigiparangni seani gita, matburingrangni jora-jora roaniko ui.ataha. Unon Isol Adamko tusipekate, unoniko guasu ge.sako ra.e uni biapo be.enko dapaha. Ua ra.gimin guasuoniko me.chik saksako dake, uko Adamona rimbaaha.
Hobako ong.atmitingo Adamde tusichipe mamingkon ui.rikjaha. Isol an.tangni namnika somoio Hobako rimbae mesokahaosa Adamde joratangko nikpaaha! Mandeni ui.gijaon Isol una jorako donsoaha. An.tangni namnika somoiosa Isol uko mesoke on.a! Hobako rimbae on.on, nikarin Adamba ka.sanapaha da.nang! Kusi ong.prete katta ma.rape ua aganaha: "Ian angni grengni greng, aro angni be.enni be.en, iani bimung me.chik ong.gen: maina iako me asaniko ra.aha" Indake skanggipa me.a aro me.chikko Isol nangrimataha. Adamna Hobako dakaha. Mandena Isolni namnikgimin jora-ripengara matburing ong.ja, mandeskakosa ine Rongtalgipa Sastroo agana! Mandeska ine aganoba, me.asako me.chikna aro me.chikko me.asana Isolni namnikani ong.a. Ia ong.sigipa a.gilsako Isolni on.aniko srete jakkalanirangkoba nikenga. Matburing baksa mande an.tangni be.enni skanirangko chu.sokatanirang, me.asa me.asaska be me.chik me.chikska baksa be.enni skarangko chu.sokatani aro kimgrik-donggrikani namgija bewalrangba giproroenga. Iarangna Kristianrang mikrakna nanga.
Jora-Ripengko On.ani Adita A.selrang:
Jora-ripeng seokaniko dakna skang, uko on.ani a.selrangko ui.chengode nambata. Bangbata manderangan be.enni gitasan ui.bataia. Mande silana, nitoana, til.ek an.chaaninasan miksongbataia; indiba Isolni miksonganide be.enni skaniko chu.sokataninasan ong.ja. Jora-ripeng ra.ani adita a.selrnagko ka.mao me.sokatenga:
(1) Isolni skanian ong.a. Isolni aro manderangni mikkango rongtale me.a-me.chik kimgrik-donggrikani Isolni skanian ong.a.
(2) Dakchakgrikna: Saksa sakgipinna pilak somoio, pilak gitan dakchakgrike janggi tangchina.
(3) Be.enni sikanirangko chu.sokatna: Mande sakantikon be.enni skanirang gnang Isol ong.ataha. Ia be.enni skanirangko saksa sakgipinko chu.sokatna aro jakkalsretjachina.
(4) De ba.e mande jatko ripingna: Mande jatko ripingna jik-se kumonge dedrangko ba.china Isol namnikaha.
Mikcha-ka.saani Mangmangde Pap Ong.ja:
Isolan me.asako me.chikna aro me.chikko me.asana ong.ataha ine an.ching nikbaaha. Jora-Ripengko nangani a.selrangkoba ui.aha. Unigimin, pante-me.trarangni be.en aro gisikni skanirang, ong.telaigipa,namgipa skanian ong.a. Me.asa ba me.chikni gisik aro be.enni skanirang mangmangde 'Pap' ba 'rongtalgijagipa chanchiani' Ong.ja. Sakoba silnikani, ga.sunikani ba mikchaanirang an.tangario maming namgijani ong.ja ine ui.e ra.ode nama. Silakode 'sila' ba 'silnika' inen aganna nangaigen. Sile ong.atgipa Isolkosa mitelbo! Silnikani, ga.sunikani aro mikhaa ka.saanirang dongjaode, jora-ripeng ra.aniba dongjawa! Isol me.asako me.asani be.en bimang aro skanirang gnang, aro me.chikkoba me.chikni be.en bimang aro skanirang gnang ong.ataha. Unigimin, mikchaa-ka.saani mangmangde pap ong.ja indiba be.enni gita ong.sigipa kamrangona sokangosa pap ong.a.
Isol Pilaknan Jora-Ripengko Donsoaha:
Isol an.tangni namnika gita pilaknan jora-ripengko donsoaha. Tikpajana kenchakna nangjawa! Isol uko mesokani somoi gnang. Jora-Ripengko sandina skang chadambe sakanti mikkangchi janggi tanganina an.tangko tarichengna nanga. Chu.soke be.enni aro gisikni dal.anina, a.gilsakni bida-budi aro kamrangko sandichengchina Isol nangnika. Unigimin dambe pante-metrarang jajrengnabe, Isolni somoina sengbo. Sengnapjaode ja.mano skimna nangnaba gnang. Ja.del-bolchachengbo jora-de tikaigen!
Sastroo, A.bachenga 2:18-25, Mati 19:7-8 Ephesus 5:31. 1Korinthiarangna 7:32-34.
Mitela poraigipa sakantiko, Na.simangna Isolni patiani ong.bachina. Changgipino an.ching poraiangkugen. Gasuroroangenga ga.subatgen. Changgipinna somoiko ra.anggen. Sakgipinrangnaba share ka.paode mitelbegen.
An.ching jora ripengni gimin raengon skanggipa part1 dake poraimanaha. Daode part2 dake hai an.ching ni.angna.
Jora-ripengko nangani gimin ningtue sandie nina skang, Isolan mandeko jora-ripeng nangani gnang ong.ataha ine ui.chengna. Rongtalgipa Sastroo janapa, Isol mandeko dakon uamangko me.asa aro me.chik dakaha. A.bachengaoni ong.bagiminrangko sandie nigenchimode, skanggipa mande 'Adam'ni saksan donganiko Isol nangnikjaha. Dakchakgipako, duk suk chakrimna' Janggini ripeng,ko nanga ine Isol nikaha. Unon Isol mandena jora-ripengko on.na miksongaha.
Mandena Mandeskakosa Jora On.aha.
Adam saksan ong.engon Isol bang.a matburingrangko ong.ate uona rimbaha. Adam uarang pilakkon biming donaha: indiba matburingrangni, giseponiko an.tangna jorako man.jaha. Matburingrang jora-jora bima-bipa roengon, uarangko biming mingengon, Adamde saksansachim! Sastroni gimin am.rikite chanchibewale nigipa mitam skigiparangni seani gita, matburingrangni jora-jora roaniko ui.ataha. Unon Isol Adamko tusipekate, unoniko guasu ge.sako ra.e uni biapo be.enko dapaha. Ua ra.gimin guasuoniko me.chik saksako dake, uko Adamona rimbaaha.
Hobako ong.atmitingo Adamde tusichipe mamingkon ui.rikjaha. Isol an.tangni namnika somoio Hobako rimbae mesokahaosa Adamde joratangko nikpaaha! Mandeni ui.gijaon Isol una jorako donsoaha. An.tangni namnika somoiosa Isol uko mesoke on.a! Hobako rimbae on.on, nikarin Adamba ka.sanapaha da.nang! Kusi ong.prete katta ma.rape ua aganaha: "Ian angni grengni greng, aro angni be.enni be.en, iani bimung me.chik ong.gen: maina iako me asaniko ra.aha" Indake skanggipa me.a aro me.chikko Isol nangrimataha. Adamna Hobako dakaha. Mandena Isolni namnikgimin jora-ripengara matburing ong.ja, mandeskakosa ine Rongtalgipa Sastroo agana! Mandeska ine aganoba, me.asako me.chikna aro me.chikko me.asana Isolni namnikani ong.a. Ia ong.sigipa a.gilsako Isolni on.aniko srete jakkalanirangkoba nikenga. Matburing baksa mande an.tangni be.enni skanirangko chu.sokatanirang, me.asa me.asaska be me.chik me.chikska baksa be.enni skarangko chu.sokatani aro kimgrik-donggrikani namgija bewalrangba giproroenga. Iarangna Kristianrang mikrakna nanga.
Jora-Ripengko On.ani Adita A.selrang:
Jora-ripeng seokaniko dakna skang, uko on.ani a.selrangko ui.chengode nambata. Bangbata manderangan be.enni gitasan ui.bataia. Mande silana, nitoana, til.ek an.chaaninasan miksongbataia; indiba Isolni miksonganide be.enni skaniko chu.sokataninasan ong.ja. Jora-ripeng ra.ani adita a.selrnagko ka.mao me.sokatenga:
(1) Isolni skanian ong.a. Isolni aro manderangni mikkango rongtale me.a-me.chik kimgrik-donggrikani Isolni skanian ong.a.
(2) Dakchakgrikna: Saksa sakgipinna pilak somoio, pilak gitan dakchakgrike janggi tangchina.
(3) Be.enni sikanirangko chu.sokatna: Mande sakantikon be.enni skanirang gnang Isol ong.ataha. Ia be.enni skanirangko saksa sakgipinko chu.sokatna aro jakkalsretjachina.
(4) De ba.e mande jatko ripingna: Mande jatko ripingna jik-se kumonge dedrangko ba.china Isol namnikaha.
Mikcha-ka.saani Mangmangde Pap Ong.ja:
Isolan me.asako me.chikna aro me.chikko me.asana ong.ataha ine an.ching nikbaaha. Jora-Ripengko nangani a.selrangkoba ui.aha. Unigimin, pante-me.trarangni be.en aro gisikni skanirang, ong.telaigipa,namgipa skanian ong.a. Me.asa ba me.chikni gisik aro be.enni skanirang mangmangde 'Pap' ba 'rongtalgijagipa chanchiani' Ong.ja. Sakoba silnikani, ga.sunikani ba mikchaanirang an.tangario maming namgijani ong.ja ine ui.e ra.ode nama. Silakode 'sila' ba 'silnika' inen aganna nangaigen. Sile ong.atgipa Isolkosa mitelbo! Silnikani, ga.sunikani aro mikhaa ka.saanirang dongjaode, jora-ripeng ra.aniba dongjawa! Isol me.asako me.asani be.en bimang aro skanirang gnang, aro me.chikkoba me.chikni be.en bimang aro skanirang gnang ong.ataha. Unigimin, mikchaa-ka.saani mangmangde pap ong.ja indiba be.enni gita ong.sigipa kamrangona sokangosa pap ong.a.
Isol Pilaknan Jora-Ripengko Donsoaha:
Isol an.tangni namnika gita pilaknan jora-ripengko donsoaha. Tikpajana kenchakna nangjawa! Isol uko mesokani somoi gnang. Jora-Ripengko sandina skang chadambe sakanti mikkangchi janggi tanganina an.tangko tarichengna nanga. Chu.soke be.enni aro gisikni dal.anina, a.gilsakni bida-budi aro kamrangko sandichengchina Isol nangnika. Unigimin dambe pante-metrarang jajrengnabe, Isolni somoina sengbo. Sengnapjaode ja.mano skimna nangnaba gnang. Ja.del-bolchachengbo jora-de tikaigen!
Sastroo, A.bachenga 2:18-25, Mati 19:7-8 Ephesus 5:31. 1Korinthiarangna 7:32-34.
Mitela poraigipa sakantiko, Na.simangna Isolni patiani ong.bachina. Changgipino an.ching poraiangkugen. Gasuroroangenga ga.subatgen. Changgipinna somoiko ra.anggen. Sakgipinrangnaba share ka.paode mitelbegen.
Comments
Post a Comment